Қўшма Штатлардаги мусулмонлар Байденга мактуб йўллади
Бир қатор америкалик мусулмон нодавлат ташкилотлари АҚШ президенти Жо Байденни Ғазо секторига нисбатан «АҚШнинг ўзига хос сиёсатини ўзгартириш»га чақирди.
Мамлакатнинг турли ҳудудларида ташкил этилган 80 нафар америкалик мусулмон нодавлат ташкилоти вакиллари Байденга мактуб йўллаб, Исроилга янги қурол сотишни тўхтатишни талаб қилди.
Исроилнинг Ғазо секторида минтақада инқирозга сабаб бўлган ҳаракатлари Америка қонунларига тўғри келмайди. Бундай ҳаракатлар учун жавоб бериш керак, дейди мусулмон нодавлат ташкилотлари вакиллари.
«Оммавий платформаларда сизнинг маъмуриятингиз Исроилни Рафаҳга ҳужум қилишдан қайтаришга ҳаракат қилади, лекин аслида бу Исроилга Рафаҳда навбатдаги этник тозалашни амалга ошириш учун яшил чироқ ёқади», дейилади мактубда.
Мусулмон нодавлат ташкилотлари вакиллари Вашингтонни АҚШнинг Ғазо бўйича сиёсати бўйича аниқ қадамлар ташлашга чақирди.
«Америка халқи риториканинг ўзгаришини хоҳламайди, улар сиёсатда аниқ ўзгаришларни талаб қилади», - дейилади мактубда.
Аввалроқ америкалик мусулмон гуруҳлари вакиллари Оқ уйда ташкил этилган ифторга боришдан бош тортиб, Байденга норозилик билдирган эди.
