Қозоғистонда январь воқеаларида қанча инсон ҳалок бўлгани очиқланди
Мамлакат бош прокуратураси бу бўйича маълумот берди.
Қозоғистон бош прокуратураси январь фожиалари қурбонлари рўйхатини эълон қилди.
Унда 238 кишининг номи келтирилган. Шу билан бирга ҳозирча уларнинг неча ёшда бўлгани келтирилмаган.
Март ойида бош прокурор Берик Асилов тартибсизликлар бўйича барча ўрганиш ишлари якунлангандан сўнг ҳалок бўлган фуқаролар рўйхати очиқланишини айтганди. Ўшанда жами қотиллик ва терроризм бўйича 46 жиноий иш доирасида тергов кетаётгани маълум қилинган.
Маълумот ўрнида: январнинг бошида газ нархи ошишига қарши Жанаўзен ва Оқтовда бошланган намойишлар бутун мамлакатда оммавий тартибсизликлар содир бўлишига олиб келади. Олма-Ота ва бошқа вилоятларда зўравонлик, мародёрлик ва отишмалар ҳолатлари содир бўлди.
Расмий Нур-Султон намойишлардан ташқи кучлар давлат тўнтариши уюштиришда фойдаланишга ҳаракат қилганини таъкидлаган.
