Путиннинг БААга ишчи сафари қандай ўтди

Россия президенти “Қаср ал-Ватан” саройида тантанали кутиб олинди. Унинг шарафига БАА осмонини ҳарбий самолётлар Россия байроғи рангларига бўялди, отлиқ ва пиёда фахрий қоровул саф тортди ва замбараклардан салют отилди.

Путин ушбу эътиборни жавобсиз қолдирмади ва машинадан тушиши билан БАА президенти Ал Наҳаёнга “Қандай чиройли” деган сўзлар билан миннатдорлик билдирди.

Шунингдек, Россия президенти БАА етакчисини куни кеча нишионланган мамлакат ташкил этилганининг 52 йиллиги билан табриклади ва СССР БААни биринчилар қаторида тан олганини ва ўтган давр мобайнида муносабатлар доими яхши бўлганини эслатиб ўтди.

Ундан ташқари, Путин БАА араб дунёсида Россиянинг энг йирик ҳамкори эканини таъкидлаб ўтган йил давомида ўзаро савдо ҳажми 67%га ўсганини ва бу йил ундан ҳам кўп бўлиши кутилаётганини айтиб ўтди.

Россия президенти БАА раҳбарига мамлакатда биринчи рус мактаби очилиши ҳамда биринчи православ черкови учун ер ажратишга рухсат берилгани муносабати билан миннатдорлик билдирди.

Музокараларда Исроил-Фаластин можаросига алоҳида ўрин ажратилди.

Шунингдек, Путин Ал-Наҳаётга Украинадаги вазият ҳақида батафсил маълумот берди.

Россия ва БАА келгуси йилда БРИКС тизимида ҳамкорликни янада ривожлантиришга келишиб олди.