Путин хоккей бўйича Жаҳон чемпионатининг плей-офф босқичига чақирилмади
Россия президенти Владимир Путин Латвияда бўлиб ўтадиган 2021 йилги хоккей бўйича жаҳон чемпионатининг плей-офф босқичида иштирок этмайди чунки унга Халқаро хоккей федерацияси томонидан таклифнома келмади, деди Президент матбуот котиби Дмитрий Песков.
TASS ахборот агентлиги маълумотига кўра, матбуот анжуманида Россия президенти Латвия давлат ҳокимияти органлари томонидан ҳозирда Ригада давом этаётган 2021 йилги хоккей бўйича Жаҳон чемпионатининг плей-офф баҳсларини томоша қилишга таклиф қилинганми ёки йўқми, деган саволга Песков «Йўқ» деб жавоб берган.
Эслатиб ўтамиз, хоккей бўйича 2021 йилги Жаҳон чемпионати Латвия пойтахти Ригада ўтказилмоқда. Мусобақа доирасидаги учрашувлар 21 май – 6 июнь кунлари бўлиб ўтади. Чемпионат ўйинлари Ригадаги иккита майдонда ўтказилади.
Маълумот ўрнида, хоккей бўйича Россия терма жамоаси гуруҳ босқичини 1-ўринда якунлаган ва бугун тунда чемпионатнинг чорак финалида Канада терма жамоасига қарши ўйнайди.
