Приморск ўлкасида ўзбекистонлик икки опа-сингил қўлга олинди

Приморск ўлкасида ўзбекистонлик икки опа-сингил қўлга олинди


Приморск ўлкасида ўзбекистонлик икки опа-сингил қўлга олинди. Улар Россияга ноқонуний миграцияни ташкил қилишда айбланмоқда, деб хабар бермоқда Подробно.уз мухбири.

Бу ҳақда вилоят ички ишлар вазирлиги матбуот хизматига таяниб, «Интерфакс» хабар берди. Бир йил давомида аёллар хорижликларни пулга рўйхатдан ўтказиш учун қалбаки ҳужжатлардан фойдаланганлар. Тинтув чоғида қўлга олинганлардан сохта ҳужжатлар бланкалари, штамплар, 3,5 миллион рублдан ортиқ пул, шунингдек, ярим килограмм заргарлик буюмлари олиб қўйилди.

Ҳуқуқ-тартибот идоралари ходимлари, шунингдек, 30 дан 70 минг рублгача мукофот эвазига хорижликларга расман турмуш қуришга рози бўлган Россия паспортига эга аёлларни қидириш билан шуғулланганини ҳам аниқлади. Айни пайтда россиялик аёлларнинг чет элликлар билан никоҳларини сохта рўйхатга олишнинг учта ҳолати аниқланган.

Мазкур ҳолат юзасидан Россия Жиноят кодексининг 322-1 (ноқонуний миграцияни ташкил этиш) ва 159-моддаси (фирибгарлик) билан жиноят иши қўзғатилган. Айбланувчилар жарима билан етти йилгача озодликдан маҳрум этилиши мумкин.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!