Польша Россия ва Беларусь рақамларига эга юк машиналари учун чегарани ёпади
Польша Россия ва Беларус давлат рақамларига эга юк машиналарининг Полша-Беларус чегарасидан ўтишини бутунлай тақиқлайди. Бу ҳақда ҳукуматнинг 29-майда эълон қилинган қарорида айтилган.
“1 июнь (пайшанба) ярим тундан бошлаб Беларус Республикаси ёки Россия Федерацияси ҳудудида рўйхатдан ўтган юк автомобиллари, тракторлар, тиркамалар, шу жумладан ярим тиркамалар ва автопоездлар учун Беларус Республикаси билан чегара орқали товарлар олиб ўтиш; кейинги огоҳлантирилгунга қадар тўхтатилади”, дейилади ҳужжатда.
Шу билан бирга, матнда Польша ва Россиянинг Калининград вилояти чегараси орқали ҳаракатланиш тақиқлангани айтилмаган.
2022 йилнинг апрель ойидан бошлаб Россия ва Беларус транспорт компанияларига бешинчи санкциялар пакети доирасида Европа Иттифоқи давлатлари ичида юк ташишни амалга ошириш тақиқланган.
23-май куни Давлат Думаси Россия ҳукуматига "Польша автоташувчилари томонидан Россия Федерацияси ҳудуди орқали ташиш" имкониятини истисно қилиш илтимоси билан мурожаат қилди. Депутатлар Россия транспортига юкларни қайта юклаш учун чегарадан энг яқин божхона терминалларигача фақат юк машиналарининг ҳаракатланишига рухсат беришни таклиф қилишди.
