Покистон ва Афғонистондаги тошқинлар оқибатида 135 киши ҳалок бўлди

Покистон ва Афғонистонда ноқулай об-ҳаво юзлаб одамларнинг ҳаётига зомин бўлди, деб хабар бермоқда CBS News.

Покистоннинг турли ҳудудларида 71 киши ҳалок бўлди, 67 киши яраланди. Энг кўп жабрланган ҳудуд мамлакат шимоли-ғарбидаги Хайбер-Пахтунхва провинциясидир. Турар-жой биноларининг қулаши натижасида у ерда 32 киши ҳалок бўлган.

Хайбер-Пахтунхвада ҳалок бўлганлар орасида 15 нафар бола ва беш нафар аёл, яна 41 нафари яраланган. 1370 та уй зарар кўрган.

Шарқий Панжоб провинциясида 23 киши ҳалок бўлди, 7 киши яраланди. Мамлакат жануби-ғарбидаги Белужистон вилоятида 8 киши ҳалок бўлди, 8 киши яраланди. Кашмирнинг Покистон назорати остидаги қисмида ҳам жиддий вазият мавжуд. 8 киши ҳалок бўлди, 11 киши жароҳатланди, 47 та уй вайрон бўлди.

Синоптикларнинг башорат қилишича, мамлакатда 29 апрелгача кучли ёмғир ёғади.

Афғонистонда табиий ҳодисалар туфайли ҳалок бўлганлар сони 66 нафардан ошди. 600 га яқин уй вайрон бўлган. Тошқин минг гектардан ортиқ қишлоқ хўжалиги ерларига зарар етказди. Қутқарув ишлари давом этмоқда. Бир кун аввал мамлакатда ёғингарчилик миқдори йиллик меъёрга етди. Пойтахт Кобул ва яна 20 та вилоят тошқиндан жабр кўрди.