Песков уруш "узоқ вақт" давом этишини таъкидлади, Подоляк эса бунга жавобан урушни қандай қилиб "тез" тугатиш мумкинлигини маълум қилди
Бугун брифингда Дмитрий Песков Кремль жанговар ҳаракатларни тугатиш истиқболларини қандай баҳолаши ва "махсус операция 2023 йилда якунланиши мумкинми", деган саволга жавоб берди.
"Ушбу ҳисоб-китобларни махсус ҳарбий операция билан шуғулланадиган мутахасислар — Мудофаа вазирлиги бериши керак. Ва агар сиз урушни кенг контекстда — душман давлатлар, дўстона бўлмаган давлатлар билан қарама-қаршилик, бизнинг мамлакатимизга нисбатан бошланган гибрид урушни назарда тутаётган бўлсангиз, бу узоқ вақт давом этади. Ва бунда бизга қатъийлик, ўзимизга содиқлик, мақсадлилик, президент атрофида бирлик керак", — деди Россия Федерацияси Президентининг матбуот котиби.
Зеленский идораси раҳбарининг маслаҳатчиси Михаил Подоляк бу баёнотга жавоб берди.
“Урушни дипломатия орқали тугатиш мумкин. Агар Россия зудлик билан босиб олинган ерларни тарк этса. Бунинг учун Москвада қайта ишга тушириш амалга оширилиши керак, музокаралар мавзуси ўзгариши керак. Бунга рус армиясининг янги мағлубиятлари туфайли эришиш мумкин. Қурол-яроғ етказиб беришни кўпайтиришимиз лозим", — деб ёзди у ўзининг Twitter саҳифасида.
