Пентагон раҳбари Хитойни инқирозли вазиятларни ҳал қилиш устида жиддий ишламоқчи эмасликда айблади

Қўшма Штатлар Хитой икки давлат ҳарбийлари иштирокида инқирозли вазиятларни ҳал қилиш механизмларини такомиллаштириш устида ишлашга "жиддийроқ" иштиёқ билдирмаётганидан хавотирда, деди Пентагон раҳбари Ллойд Остин.

РИА Новости хабарига кўра, у бу ҳақда Диалог Шангри-Ла минтақавий хавфсизлик форуми чоғида гапирган.

"Мен ХХР инқирозли вазиятларни ҳал қилишнинг яхшироқ механизмларини ишлаб чиқиш устида жиддийроқ ишламоқчи эмаслигидан қаттиқ хавотирдаман", деди Пентагон раҳбари.

Шу билан бирга, у Вашингтон бу масалада тез ўзгаришларга умид қилишини таъкидлади.