Пекинда 56 кун ичида коронавирусдан илк касалланиш ҳолати қайд этилди
Хитой пойтахти Пекинда 56 кун ичида коронавирусдан илк касалланиш ҳолати қайд этилди.
Таъкидланишича, 52 ёшли эркак 10 июнда маҳаллий шифохонага юқори тана ҳарорати, мадорсизлик шикояти билан мурожат қилган. Бироқ унда йўтал, томоқ оғриши ёки кўкрак сиқиши ҳисси бўлмаган. Охирги 2 ҳафта у Пекиндан ташқарига чиқмаган ва четдан келганлар билан яқин мулоқот қилмаган.
Ҳозирда эркак изоляцияланиб, шифохонада даволанмоқда. Оила аъзолари ҳам шифохонада. Айни вақтда мутахассислар эркак яшаган Сичэн туманида эпидемиологик тергов ўтказмоқда. Жумладан, охирги ҳафталарда хориждан ёки Хитойнинг эпидемиологик хавф юқори бўлган ҳудудларидан келган барча текширилмоқда.
Пекиннинг касалликларни назорат қилиш ва уларнинг олдини олиш маркази раҳбари ўринбосари Пан Синхонинг таъкидлашича, бу ҳодиса Пекинда ҳамон касалланиш эҳтимоли мавжудлигини ҳамда пойтахтда касалликлар тарқалиши ортидан назорат ва уларнинг олдини олиш соҳасидаги вазиятнинг жиддийлиги, мураккаблиги ҳамда олдиндан айтиб бўлмаслигини ҳисобга олиш зарурлигини таъкидлаб ўтган.
Пекин ҳукумати шаҳарда эпидемиологик вазият анча яхшилангани сабабли фавқулодда вазиятларга жавоб беришни 6 июндан 3-даражага пасайтирганди.
