Оддий смартфон яна 20 йилдан кейин суперкомпьютерга айланади

Оддий смартфон яна 20 йилдан кейин суперкомпьютерга айланади

Яна 20 йилдан кейин замонавий суперкомпьютерлар имконияти оддий смартфонларда ҳам пайдо бўлади, деди Intel компанияси тадқиқотлар ва ишланмалар бўйича бош директори Иван Кузьмин РИА Новостига берган интервьюсида.

«Агар ҳисоблаш имкониятларига қарайдиган бўлсак, 1994 йилги суперкомпьютерларнинг имкониятлари ҳозирги смартфонлар имкониятлари билан тенглашади. Агар келажакка қарайдиган бўлсак, яна 20 йилдан кейин бугунги суперкомпьютерлар бажарадиган улкан миқдордаги мураккаб вазифаларни оддий смартфонларда ҳам бажариш мумкин бўлади», – дейди Кузьмин.

Унинг фикрича, «агар бу айтганларим амалга ошадиган бўлса, матнларни синхрон таржима қила оламиз, одамлар билан унинг тилини билмасак ҳам гаплаша оламиз, мураккаб конструкцияларни моделлаштирамиз ва шу заҳотиёқ маълумот оламиз». «Жаҳон ушбу йўналишда ҳаракат қилмоқда. Яқин 10-20 йилда суперкомпьютерлар имкониятидан ҳамма фойдаланиши мумкин бўлади», – қўшимча қилди у.

Кузьминнинг аниқлик киритишича, ҳозирги кунда Aurora суперкомпьютерининг бир сонияда бажараётган операциясини инсон 31,7 триллион йилда бажарган бўларди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!