“Насаф” сўнгги дақиқаларда ғалабани илиб кетди

Футбол бўйича ОЧЛ-2 турнирининг 2-туридан ўрин олган ўйин 2 октябрь, чоршанба куни бўлиб ўтди.

Д гуруҳи марказий ўйинида «Насаф» (4) ўз майдонида «Шабоб Ал Аҳли»ни (3) қабул қилиб, Марушичнин дубли эвазига камбэк қилди ва пешқадамга айланди.

Учрашувнинг 19-дақиқасида Матеусао ҳисобни очди. Биринчи бўлим шу ҳисоб билан якунланди.

Иккинчи бўлимда қаршиликлар фаолроқ ҳаракат қилди ва 83-дақиқага келиб, мувозанатни тиклашга муваффақ бўлди. Зоран Марушич гол муаллифига айланди. 90+2-дақиқада эса Марушич яна бир бор дарвозани ишғол этди ва “Насаф”га ғалаба келтирди.

Гуруҳнинг иккинчи ўйинида «Ал Ҳусайн» (0) Иорданияда «Ал Кувайт»ни (1) қабул қилади.