Мирзиёевнинг махсус вакили Франция элчиси билан учрашди
2022 йил 16 майда Ўзбекистон Республикаси Президентининг Афғонистон бўйича Махсус вакили Исматулла Иргашев Франциянинг Ўзбекистондаги Фавқулодда ва Мухтор Элчиси Орелия Бушез билан учрашди.
Суҳбат чоғида Афғонистон йўналишидаги Ўзбекистон-Франция муносабатларининг бугунги ҳолати ва истиқболлари, хусусан, Афғонистондаги мавжуд вазият муҳокама этилди.
Афғонистон халқига инсонпарварлик ёрдами кўрсатиш борасида икки томонлама ҳамкорликни фаоллаштириш масаласига алоҳида эътибор қаратилди.
Олий мартабали дипломат Ўзбекистоннинг Афғонистонга иқтисодий ёрдам кўрсатиш борасидаги саъй-ҳаракатларини юқори баҳолади, хусусан, Ўзбекистоннинг БМТ шафелигида Ўзбекистон билан чегарадош Термиз шаҳрида Афғонистонга инсонпарварлик ёрдами етказиб бериш мақсадида кўп функцияли транспорт-логистика хабини яратиш ташаббуси муҳимлиги ва ўз вақтида амалга оширилганини таъкидлади, деб хабар беради Ташқи ишлар вазирлиги матбуот хизмати.
