Меtа компанияси яна 10 минг ходимини ишдан бўшатмоқчи

Меtа компанияси 10 мингга яқин ходимни ёки ишчи кучининг тахминан 13 фоизини ишдан бўшатишни режалаштираётганини маълум қилди. Бу компания асосчиси Марк Цукерберг “самарадорлик йили” деб атаган мақсадга эришиш учун сўнгги қадамдир, дея хабар берди The New York Times.

Ишдан бўшатиш компаниянинг ишга қабул қилувчи жамоасига шу ҳафта таъсир қилади, апрель ва май ойларида техник ва бизнес гуруҳларини қайта тузиш жараёни бўлиб ўтади. Ишдан олиш ҳақидаги баёнот компаниянинг сўнгги олти ой ичида ишчиларни қисқартиришларининг иккинчи босқичидир. Ноябрь ойида Меtа 11 мингдан ортиқ одамни ишдан бўшатганди, бу ўша пайтдаги ишчи кучининг тахминан 13 фоизини ташкил этган.

Шунингдек, Меtа ҳали тўлдирилмаган 5 000 га яқин вакансияларни ёпишни режалаштирмоқда. Компаниянинг бошқа саъй-ҳаракатлари орасида шу ёзда Меtа компаниясининг ўтган март ойида синовдан ўтказган гибрид офисга қайтиш моделини якунлаш режасини ўз ичига олади.

“Бу қийин бўлади ва бошқа йўл йўқ”, — дея таъкидлаган Марк Цукерберг.

У февраль ойида ўз компаниясининг ўрта даражадаги менежерлар қатламидан иборат бўлишини истамаслигини қайд этганди.

Меtа сентябрь ойи охирида 87 мингдан ортиқ ходимга эга эди. 2020 ва 2021 йилларда компания 27 мингдан ортиқ янги ходимларни ишга қабул қилган бўлса, 2022 йилнинг январь сентябрь ойларида унинг ходимлари яна 15,3 минг кишига кўпайди.