Мбаппе ой охиригача ПСЖдан кетмоқчи

ПСЖ ҳужумчиси Килиан Мбаппе август ойидаёқ жамоадан кетиши мумкин.

22 ёшли француз жамоа билан шартномани узайтиришни режалаштирмаяпти, бундан ташқари, унинг парижликлар спорт директори Леонардо билан муносабатлари яхши эмас.

Шу сабаб ўйинчи билан ПСЖ президенти Носир Ал Хелайфи музокалар олиб бормоқда ва у яқин вақт ичида форвардни жамоада қолишга кўндириш учун учрашади.

Қайд этиш керакки, футболчининг ўзи Ал Хелайфининг таклифига кўнмоқчи эмас, аммо ҳужумчини харид қилиш бўйича таклиф келиб тушмади.

Мбаппе 2021/22 йилги мавсум 1 та ўйинда майдонга тушиб, 1та ассист қайд этди. Унинг ПСЖ билан шартномаси 2022 йилнинг июнь ойи сўнггига қадар мўлжалланган.