Маск бу ҳафта Хитойга ташриф буюриши мумкин

Америкалик тадбиркор Илон Маск шу ҳафта Хитойга ташриф буюриши мумкин. Reuters манбасига кўра, бу унинг сўнгги уч йил ичида республикага биринчи ташрифи бўлади. Балки у Хитойнинг юқори мартабали амалдорлари билан учрашиб, Шанхайдаги Tesla заводига ташриф буюрар.

Ҳозирча Маск ким билан учрашиши ва у қандай мавзуларни муҳокама қилиши номаълумлигича қолмоқда.

Агентлик маълумотларига кўра, Хитой Tesla'нинг АҚШдан кейин иккинчи йирик бозоридир ва Шанхайдаги завод компаниянинг энг йирик объекти бўлиб қолмоқда.

Апрел ойида Financial Times ўз манбасига таяниб, Маск сунъий интеллект стартапини ишга тушириши ҳақида хабар берган эди.