Машҳур логотиплар ичида яширинган 10 сир

Бугунги кунда қаерга қарасангиз, брендларга кўзингиз тушади. Атрофимизда турли брендларнинг ўзига хос белгилари, ёрлиқлари кўпки, улар нимани англатишига унчалик аҳамият қаратмаймиз. Биз эътиборингизга ҳавола этмоқчи бўлган 10 та логотип ўз ичига жуда қизиқ ва ғайриоддий сирларни олган.

1. Hyundai

Сизнингча, “H” кўринишидаги логотип Жанубий Кореянинг “Hyundai” автомобиль ишлаб чиқарувчи корхонаси номининг биринчи ҳарфини англатадими? Аслида эса бу шаклда икки инсоннинг бир-бирига қўл бериб тургани акс эттирилган. Уларнинг бири мижоз бўлса, иккинчиси автомобиль сотувчисидир ва бу тасвир муваффақиятли сотувнинг амалга оширилганини ифодалайди.

2. Apple

1977 йилда Роб Янофф зиммасига “Apple” компаниясининг логотипини яратиш вазифаси юкланган эди. Янофф бир сумка олма сотиб олиб, ҳафта давомида уларнинг эскизини чизишга уринди. Қанча уринмасин, унинг чизмалари олчани эслатар эди. Олмага тишланганини билдирувчи шакл қўшилганда эса бу муаммо ҳал бўлган. Бундан ташқари, инглиз тилида тишлам сўзи “байт” тарзида талаффуз қилинади. Бу эса маълумотлар ўлчов бирлиги – байт сўзига ўхшайди. Бу сўз ўйини Стив Жобсга маъқул келган.

3. Vaio

Ушбу компьютер компаниясининг номидаги дастлабки иккита ҳарф рақамли тўлқин шаклига мосланган. Сўз сўнгидаги “i” ҳамда “o” ҳарфлари эса иккилик саноқ системасидаги 1 ва 0 рақамлари кўринишига эга. Демак, логотип аналог ва рақамли тизимлар бирлашмасини англатади. Шунингдек, мобиль алоқа воситаси ишга тушганда жаранглайдиган мусиқа – телефон клавиатурасидаги V-A-I-O ҳарфларини босганда чиқадиган товушлардан келиб чиққан.

4. Amazon

Доим мамнунлик белгисини ифодалаш учун “Amazon” бренди ўзининг логотипида табассумни тасвирлаган. Бироқ дизайн фақатгина бу маънони англатмайди. Биламизки, инглиз тили алифбоси ўз ичига “а” дан “з” гача бўлган ҳарфларни олади. Логотипдаги кўрсатгич белгиси компания орқали ҳар қандай товарни топиш ва буюртма қилиш имкони мавжудлигини билдириш учун “а” ҳарфидан бошланиб “з” ҳарфида тугайди.

5. Toyota

T-o-y-o-t-a. Агар синчиклаб қарасангиз, компания номидаги барча ҳарфларни логотипдан топиш мумкин. Аммо бу кўриниш нимани англатади? Балки шляпа кийган ковбой ёки буқа тасвирланган деб ўйлаётгандирсиз. Бундай эмас! Бу белги аслида игна ва ипни англатади. Негаки, ушбу япон автомобилларини ишлаб чиқарувчи корхона ўз ишини тўқув дастгоҳлари ясашдан бошлаган ва шу кунгача ўз логотипини ўзгартирмай сақлаб келмоқда.

6. Continental

Бир қарашда жуда содда кўринган ушбу логотип ҳам аслида ўз маъносига эга. Дастлабки иккита ҳарф автомобиль шиналари кўринишида дизайн қилинган.

7. Toblerone

Ушбу машҳур шоколаднинг ёрлиғидаги тасвир оддийгина тоғ кўринишини ифодаламайди. “Toblerone” Бернда (Швейцария) ишлаб чиқарилган. Шу туфайли Швейцариядаги Алп тоғларининг тасвирланиши ҳайратланарли эмас. Берн айиқлар шаҳри сифатида танилган ва бутун шаҳар айиқ рамзи билан безатилган. Тоғ тасвиридан ҳам беркитилган айиқни топиш мумкин.

8. BMW

Немис автоуловлари компанияси 1916 йилда самолётлар ишлаб чиқаришни бошлаган. Кўпчилик логотипдаги шакл самолётнинг айлантирувчи винтларини акс эттиради деб ўйлашади. Лекин бу аслида компания пайдо бўлган жой – Бавария байроғининг дизайнини ифодалайди.

9. Domino пиццалари

1960 йил коллежни тамомлаган Том Монаган “Dominic” деб номланган жойда ижарага пицца савдосини йўлга қўйиш учун 900 доллар қарз олган. 5 йилдан сўнг яна иккита жойни сотиб олади. Бу пайтгача анча машҳурликка эришган жойнинг асл эгаси “Dominic” номининг доимий фойдаланилишига рухсат бермайди. Шунинг учун Том уни “Domino”га айлантиради. Логотипдаги битта нуқта у сотиб олган биринчи ресторанни, иккита нуқта эса кейинроқ сотиб олинган яна иккита ресторанни англатади. Том Монаган ҳар янги жой очилганда биттадан нуқталар сонини ошириб боришни режалаштирган. Бироқ бу пайтда у пиццалар тармоғининг қанчалик катта бўлиб кетишини билмаганди.

10. Unilever

“Unilever” – 400 дан ортиқ таниқли брендларни ўзида бирлаштирган улкан корпорация. Корпорацияга қарашли маҳсулотлар ёрлиғида логотипни топиш мумкин. Масалан, “Ax” дезодаранти, “Lipton” чойи, “Ben va Jerri” музқаймоғи, “Dove” шоколади ва бошқалар. Корпорация логотипи 25 та кичик логотипларни ўзида жамлаган бўлиб, уларнинг ҳар бири чуқур маънони англатади. Белгилар корпорацияга қарашли брендларни ифодалайди. Масалан, логотипдан музқаймоқ, асалари каби рамзий ифодаларни топиш мумкин.