Марио Драги: “Украинанинг 4 та вилоятидаги “референдум” натижалари тан олинмайди!”
Италия бош вазири Марио Драги Украина президенти Владимир Зеленскийни Рим Донецк ва Луганск халқ республикаларида, шунингдек, Украинанинг Херсон ва Запороже вилоятларида ўтказилган “референдумлар” натижаларини тан олмаслигига ишонтирди. Бу ҳақда Италия бош вазири баёнот берди.
Драги телефон орқали мулоқот чоғида Зеленскийга Италия позициясини билдирди.
Жабҳадаги сўнгги воқеалар, шунингдек, Донбассда ҳамда Украинанинг Россия армияси томонидан босиб олинган Херсон ва Запороже вилоятлари ҳудудларида ноқонуний референдумлар ўтказиш масалалари муҳокама қилинди. Бош вазир Драги Италия ушбу референдумлар натижаларини тан олмаслигига ишонтирди ва Италия ҳукумати Украина халқи ва ҳокимиятини барча соҳаларда қўллаб-қувватлашда давом этишини тасдиқлади.
Зеленский аввалроқ Италияда 25 сентябрда бўлиб ўтган сайловда ғалаба қозонган ва бош вазир лавозимини эгаллаши мумкин бўлган Жоржия Мелонига табрик мактуби йўллаган эди.
“Биз Италиянинг Россия агрессиясига қарши Украинани қўллаб-қувватлашини қадрлаймиз, шунингдек, Италиянинг янги ҳукумати билан самарали ҳамкорлик қилишига ишонамиз”, — деб ёзди Зеленский твиттерда.
