Ла Лига. "Барселона" Мадридда очко йўқотди

Испания чемпионатининг 3-турида "Барселона" сафарда "Райо Вальекано"га қарши баҳс олиб борди ва 1:1 ҳисобида дуранг қайд этди.

Ламин Ямалнинг пенальтидан урган голига мезбонлар Франа Переснинг аниқ зарбаси билан жавоб қайтарди.

Бу ўйиндан сўнг "Барселона" 7 очко билан турнир жадвалида тўртинчи ўринда бормоқда, каталонияликлар кейинги ўйинни 14 сентябрь куни "Валенсия"га қарши ўтказади. "Райо Вальекано" 4 очко билан 10-поғонадан жой олган, жамоа кейинги турда 14 сентябрь куни "Осасуна"га қарши баҳс олиб боради.