Коронавируссиз Туркманистонда аҳоли ниқоб тақишга чақирилмоқда

Коронавируссиз Туркманистонда аҳоли ниқоб тақишга чақирилмоқда

Коронавирус расман қайд этилмаган Туркманистонда мамлакат аҳолиси ҳимоя ниқоби тақиш ва хавфсиз масофага риоя қилишга чақирилмоқда.

"Алтин асир" миллий алоқа оператори абонентлари мамлакат соғлиқни сақлаш вазирлигининг ана шу мазмундаги СМС хабарларини олишган.

"Ҳурматли фуқаролар! Саломатлигингизни мустаҳкамлаш мақсадида тиббий ҳимоя ниқоблари тақишни, одамлар гавжум жойларда икки метрлик масофага риоя қилишни ва шахсий гигиена талабларини бажаришни маслаҳат берамиз", - дейилади вазирлик СМС хабарида.

Мамлакат соғлиқни сақлаш вазирлигининг расмий маълумотига кўра, Туркманистонда коронавирус юқтириш билан боғлиқ бирорта ҳам ҳолат қайд этилмаган.

Шу билан бирга, мамлакатда айрим чеклов чоралари жорий этилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!