Коллеж ва техникумларга имтиҳонлар 20 ноябрдан 30 ноябргача ўтказилади
Бу ҳақда АОКА пресс-холида ташкил этилган матбуот анжуманида ДТМ директори ўринбосари Сардор Ражабов маълум қилди:
— Вазирлар Маҳкамасининг тегишли қарори ва Давлат комиссиясининг 7-сон баёнига кўра, коллеж ва техникумларга ҳужжат топширган абитуриентлар учун саралаш имтиҳонлари 20 ноябрдан 30 ноябрга қадар (шу куни ҳам) ўтказилиши белгиланган.
✏️ Тест синовларини ташкил этиш тартиби олий таълим тест жараёнларига ўхшаб кетади. Яъни, икки босқичда ўтказилади. Абитуриентлар тест синовлари белгиланган вақтдан 1 соат олдин келиши талаб этилади.
Тест синовларига фақат паспорт ва рухсатнома билан киритилади.
❗️Тест синовлари иккита мутахассислик фанидан иборат бўлиб, ҳар битта фанда 30 тадан савол бўлади. Ҳар битта фан учун 1 соатдан вақт ажратилади.
📄 Умумий балл 189 бални ташкил этади. Бунда биринчи блок учун 3.2 балл, 2 блок учун 3.1 балл берилади.