Коллеж қоровули ўсмирни ўроқ билан уриб ўлдирди

Коллеж қоровули ўсмирни ўроқ билан уриб ўлдирди

Сирдарё вилоятига оид янгиликларни ёритадиган «Сирдарё хабарлари» каналида «Хабар беришларича, вилоятимиз коллежларидан бирида ўсмир ёшидаги бола жанжал ортидан оғир тан жароҳати олиб вафот этибди...» хабари берилган эди. Ушбу хабарга Сирдарё вилоят ИИБ матбуот хизмати томонидан расмий муносабат билдирилиб, ҳодиса тафсилотлари тақдим этилди.

2019 йил 6 сентябр куни Сирдарё тумани, Зиёкор МФЙ худудида жойлашган Сирдарё тиббиёт коллежида, ушбу коллежда қоровул бўлиб ишлайдиган Х.А, танишларини олдига келган вояга етмаган K.Р. билан ўзаро келишмовчилик натижасида жанжаллашиб, қўлидаги ўроқ билан K.Р.ни кўкрак соҳасига бир маротаба уриб, тан жароҳати етказган.

Натижада К.Р. олган тан жароҳати натижасида Сирдарё тиббиёт бирлашмасининг жонлантириш бўлимида кўрсатилган жарроҳлик амалиётига қарамасдан вафот этган.

Ҳозирда ҳолат юзасидан тергов ҳаракатлари олиб борилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!