Киев урушни тугатиш кераклигини эълон қилди
Украина ҳарбий ҳаракатларни тўхтатиш учун шароит яратиш мақсадида йил охирида кутилаётган иккинчи тинчлик саммитини ташкил қилишни режалаштирмоқда. Бу ҳақда Украина президенти маъмурияти раҳбари Андрей Eрмак Bloomberg агентлигига берган интервьюсида маълум қилди.
Киевнинг тинч йўл билан келишувга эришиш йўлидаги саъй-ҳаракатларини бошқараётган Ермак, Россия ҳам таклиф қилиниши мумкин бўлган ноябрь ойида АҚШ президентлик сайлови олдидан учрашув ўтказиш муҳимлигини таъкидлади.
«Иккинчи саммитдан кутилаётган энг муҳим нарса бу ҳарбий ҳаракатларни тўхтатиш учун асосий шарт-шароитларни шакллантиришдир. Адолатли тинчликка эришиш учун бу урушни тезроқ тугатишимиз керак», деди Eрмак.
У, шунингдек, тадбир катта эҳтимол билан «Россиянинг уни бўлиб ташлашга уринишлари олдида дунёнинг бирлигини» намойиш этиш мақсадида «Глобал жануб» давлатларидан бирида, эҳтимол Яқин Шарқда ўтказилишини таъкидлади.
