Кадиров Путин билан учрашиб, уни Чеченистонга таклиф қилган
Чеченистон раҳбари Рамзан Кадиров Россия президенти Владимир Путин билан учрашди. Бу ҳақда у Телеграм-каналида хабар берди.
«Москвада мен Россия президенти Владимир Путин билан учрашдим. Ижтимоий-иқтисодий вазият ҳақида маълумот берилди. У барқарор. Иқтисодиётнинг барча тармоқлари тизимли ривожланмоқда. Икки ГЭС, янги аэропорт ва темир йўл вокзалини қуриш, цемент заводини модернизация қилиш каби 500 дан ортиқ инвестиция лойиҳасини амалга оширмоқдамиз», — деб ёзади республика раҳбари.
Шундан сўнг у Россия президенти Владимир Путинни Чеченистонга таклиф қилганини айтди: “Хулоса қилиб айтганда, Владимир Владимировичга барча саъй-ҳаракатларимизни қўллаб-қувватлагани учун миннатдорчилик билдирдим. Яна миллий лидеримизни Чеченистон Республикасига ташриф буюришга таклиф қилдим".
