Италияликлардан тоза ҳавода ниқоб тақиш талаб этилади
Италия расмийлари коронавируснинг иккинчи тўлқинининг олдини олишга ҳаракат қилмоқда, деб хабар беради Euronews телеканали.
Апеннинада 24 соат ичида 4 458 кишида инфекция аниқланди, бу бир кундан олдинги кўрсаткичдан мингтага кўпдир. Ушбу янги ҳолатларнинг кунлик ўсиши апрель ойининг бошидан буён энг катта кўрсаткичдир.
Эпидемия авж олгани сабабли ҳукумат фуқароларга бутун мамлакат бўйлаб, ҳатто очиқ ҳавода ҳам ниқоб тақишни мажбурий этиб белгилади. Истиснолар фақат ёлғиз қолганда ёки яқин одамлар билан бирга, 6 ёшгача бўлган болалар, сурункали патологиялар туфайли ниқоб тақиқланган одамлар учун, шунингдек очиқ ҳавода спорт билан шуғулланиш пайтида жоиздир.
Маска режимини бузганлик учун 400 дан 1000 еврогача жарима солинади. Шунингдек, расмийлар янги саноат ва иқтисодий чекловларнинг олдини олишга ҳаракат қилмоқда. Бироқ, маҳаллий вазиятга қараб, «қизил зоналар» киритилиши мумкин.
