Исроил фаластинлик журналистни Ғарбий Соҳилдан депортация қилди
![Исроил фаластинлик журналистни Ғарбий Соҳилдан депортация қилди Исроил фаластинлик журналистни Ғарбий Соҳилдан депортация қилди](/photos/news/5tXoEZjoXnYFjAq.jpeg)
Исроил расмийлари 1 февраль куни босиб олинган Ғарбий Соҳилда қўлга олинган фаластинлик журналист Сейгал Каддумни Ғазо секторига депортация қилди.
Бу ҳақда Фаластин асирлари уюшмаси ва Фаластин озодлик ташкилотининг Фаластин асирлари ишлари бўйича қўмитасининг қўшма баёнотида айтилади.
51 ёшли Каддум Рамаллаҳ назорат пунктида ҳибсга олиниб, Дамун қамоқхонасига олиб кетилди.
Журналист Керем Абу Салим назорат-ўтказиш пункти орқали Ғазога чиқариб юборилган.
2023 йил 7-октабрдан бери ишғол остидаги Ғарбий Соҳил ва Шарқий Қуддусда қўлга олинган фаластинликлар сони 6950 нафарни ташкил қилди.
Исроил армияси Ғазо секторида агрессияни бошлаган 7 октабрдан бери босиб олинган Ғарбий Соҳил ва Шарқий Қуддусда фаластинликларга қарши ҳибсга олишлар, рейдлар ва ҳужумлар сони ортган.