Икки кун аввал бошқа масжидда ўғирлик қилган эркак Тошкентда масжидда намоз ўқишга кирган фуқаронинг 5400 долларини ўғирлади

Тошкент шаҳри «Чорсу» бозори ёнида жойлашган «Ҳўжа Аҳрор Валий» жомеъ масжидида эркак 6 декабрь куни фуқаронинг чўнтагидан 5400 долларyи ўғирлади. Бу ҳақда «Zamon» ахборот дастурида хабар берилди.

Маълум қилинишича, ўғрилик ҳолати масжид кузатув камерасига тушиб қолган.

102 рақамига қилинган мурожаат учун олиб борилган суриштирувлар ва видеокузатув камераларидаги тасвирлар ўрганилган ва ўғрининг шахсига ойдинлик киритилган. У 1984 йил Наманган вилоятида туғилган, муқаддам судланган Отабек исмли фуқаро эканлиги аниқланган. Тергов ҳаракатлари давомида фуқаро ўғирликдан икки кун олдин худди шундай жиноятни Юнусобод туманидаги «Минор» масжидида ҳам амалга оширгани маълум бўлган. У ердан 1330 АҚШ доллар пул ўғирлаган.

Ҳозирда мазкур ҳолат бўйича Жиноят кодексининг 169-моддаси 1-қисми билан жиноят иши қўзғатилиб тергов ҳаракатлари олиб борилмоқда.