Ибраҳимович: "Етарли! Мен учун оилам муҳим"

«Милан» клуби сафида Италия А Сериясида пешқадам бўлиб турган 39 ёшли Златан Ибраҳимович ёзда фаолиятини якунламоқчи бўлганини яширмади.

«Бош мураббий Стефано Пиоли фаолиятимни давом эттириш борасида сўраганида, унга «Фаолиятимни давом эттирмоқчи эмасман. Етарли! Мен учун оилам муҳим, бу ерда эса мен бир ўзим яшаяпман», - дегандим. Чунки бу ерда ярим мавсум шундай яшашим мумкин эди, аммо яна бир йил оиламдан узоқ яшаш режамда йўқ эди. 

Пиоли эса: «Яхши, қарорингни ҳурмат қиламан. Шундай бўла қолсин», деди. Бир кун ўтиб ҳам у билан гаплашганимда қарорим қатъийлигини такрорлагандим.

Аммо кейинчалик нимадир ўзгариб кетди. Вақт ўтиб афсусланишни истамадим. «Милан»га қўнғироқ қилиб, 2020/21 йилги мавсумда ҳам фаолиятимни давом эттиришимни айтдим. Аслида, футболчилик фаолиятимни якунлаш ҳақида «Манчестер Юнайтед»даёқ ўйлагандим. Ўшанда 35-36 ёшда эдим», - дейди Sky Sport Italia.

Маълумот учун, Ибраҳимович А Серия 9-туридан кейин 10та гол билан чемпионатнинг энг яхши тўпурари бўлиб турибди.