Ҳукмрон Мўғулистон халқ партияси сайловларда ғалаба қозонганини эълон қилди

Мўғулистон Бош вазири Лувсаннамсрэйн Оюн-Эрдэнэ, дастлабки натижаларга кўра, ўзи етакчи бўлган Мўғулистон халқ партияси (МПП) парламент сайловларида ғалаба қозонганини маълум қилди.

Маҳаллий ОАВга берган баёнотида Оюн-Эрдэнэ парламентдаги 126 ўриндан 70 тасини қўлга киритган партияси биринчи ўринни эгаллаганини айтди.

3 миллион 400 мингга яқин аҳолига эга бўлган Марказий Осиё давлати Мўғулистон маҳаллий вақт билан соат 22.00да якунланган овоз беришда қатнашиш 69,3 фоизга яқинни ташкил этгани, хориж ва қишлоқлардан олинган маълумотларни ҳисобга олган ҳолда, кўрсаткич 70 фоизга етади.

«Бугун Мўғулистон тарихида янги 30 йиллик давр бошланади», деб айтган Оюн-Эрдэнэ овоз беришдан кейин мамлакат аҳолиси орасида «демократияга ишонч ва парламентга ишонч» заифлашганини таъкидлади.

Ҳукумат ва халқ ўртасидаги муносабатларда янги саҳифа очишга чақирган Ойин-Эрдэнэ: «Бу парламент қандай ишлашини ва сиёсий партиялар қандай намоён бўлишини кўриш вақти келди» деди.

Мўғулистонда ўтказилган сайловларда 21 партия ва коалициядан 1336 нафар номзод парламентдаги 126 ўрин учун курашди.

Ўтган йили конституцияга киритилган ўзгартириш мамлакатнинг сиёсий хилма-хиллигини яхшироқ акс эттириш учун депутатлик ўринлари сонини 126 тагача оширди.

Сайловда хориждаги мўғуллар ҳам қатнашади. Бу йил мамлакат ташқарисида яшовчи 13 минг 95 мўғул овоз бериш учун рўйхатдан ўтди.