Измирда нималарни татиб кўриш мумкин?

Бугунги кунда саёҳатда фақат манзил эмас, балки сафар давомида татиб кўриладиган таъмлар ҳам алоҳида аҳамият касб этмоқда. Сўнгги йилларда гастрономик саёҳат — яъни “фоодие эхплоратион” — глобал туризмга сезиларли таъсир кўрсатаётган муҳим йўналишга айланди. Замонавий сайёҳлар кўпинча саёҳатларини машҳур диққатга сазовор жойларни зиёрат қилиш билан бир қаторда, унутилмас гастрономик тажрибалар асосида режалаштирмоқда.

Бу тенденция статистик маълумотларда ҳам яққол кўзга ташланади: дунё бўйлаб ҳар беш сайёҳдан бири янги ресторан ёки гастрономик саргузаштларни излайди, сайёҳларнинг қарийб ярми эса ҳатто авиачипта брон қилишдан олдин ресторанларни банд қилиб қўяди. Мана шу жиҳатдан Измир — Туркиянинг Эгей соҳилидаги дурдона шаҳар — “хилма-хил таъм”ни севувчилар учун муносиб масканлардан биридир. Шаҳарнинг гастрономик манзараси ниҳоятда бой ва ранг-баранг бўлиб, зайтун мойида пиширилган шифобахш ўсимликлар ва сабзавотлардан иборат кенг таъмлар оламини тадқим этади. Бу ерда MICHELIN Guide томонидан эътироф этилган ресторанлар билан бир қаторда, ҳақиқий кўча таомлари ҳам ўзига хос ўрин эгаллайди.

Измирда ёввойи қушқўнмас, гулхайри, қичитқи ўти ва редиска ўсимлиги каби ёввойи ўтлар одатда минтақанинг ажойиб зайтун мойида қовурилади ва салат ёки газак сифатида тортилади. Уларни Эгей денгизининг мазали маҳсулотлари — қисқичбақа, аҳтапот ва кальмар билан татиб кўриш ҳақиқий таъм завқини бағишлайди.

Шунингдек, қовоқ гулидан тайёрланган нафис таомлар, зайтун мойида димланган артишоклар ҳамда қўзичоқ гўштидан тайёрланадиган шевкет-и бостан ҳудуднинг албатта синаб кўришга арзийдиган таомларидандир. Шунингдек, Баҳор фаслида Алачати Ҳерб ва Урла Артишок фестивали таъм ва байрам шукуҳи уйғунлашган муҳити билан унутилмас лаҳзалар муҳрлайди.

Измир ўзининг таъми оғизда қоладиган кўча таомлари билан ҳам машҳур. Шунингдек, шаҳар мазали кўча таъмлари, маҳаллий таърифлари, нафис ресторанлари ва узумзорлари билан ўзига тортади. Йўлда истеъмол қилишга қулай бу лаззатлар саёҳатни янада жозибали қилади.

Анъанавий Измир нонуштасининг севимли таомлари орасида боёз (қовурилган хамир маҳсулоти), геврек (икки марта пиширилган симит) ва пиши (юмшоқ қовурилган хамир) ўзига хос таъми билан ажралиб туради. Улар ҳудудга хос Измир тулум пишлоғи билан истеъмол қилинади. Шунингдек, кумру ҳам (махсус булочкада тайёрланадиган, колбаса, пишлоқ ва помидор солинган сендвич) суйиб истеъмол қилинадиган таомлардан биридир.

Измир шунингдек ўзининг сифатли новвойхоналари ва ширинликлари билан ҳам машҳур. Маҳаллий ширинликлардан бири — ирмик ва ёгурт асосида тайёрланадиган шамбали, кўчаларда тез-тез учрайдиган, янги қовурилиб сиропга ботирилган локма ўзининг бетакрор таъми билан сайёҳларни ўзига ром этмоқда.

Урла —Эгей руҳини акс эттирувчи машҳур масканлардан бири бўлиб, у “фермадан дастурхонгача” тамойилига асосланган нафис ошхонаси билан ажралиб туради. Маҳаллий маҳсулотларга таянган замонавий талқинлар MICHELIN Guide томонидан эътироф этилган. Урланинг узумзорлари орасида сайр қилиш ва маҳаллий узум навларидан баҳраманд бўлиш мумкин.