"Ҳайдалсин": пляждаги видео Тимошенконинг бошига бало бўлмоқда

Украинанинг собиқ бош вазири, ҳозирда «Баткившчина» партияси етакчиси Юлия Тимошенкони Дубайдаги таътили видеоси туфайли барча лавозимларидан четлаштириш талаб қилинди.

Тимошенко январь ойида БААдаги пляжда суратга олинган, журналистлар видеони бир кун аввал «Дубай батальони» материалида жойлаштирган. Натижада жанжал кўтарилди (Украинада, худди Россияда бўлгани каби, амалдорлар хорижда таътилда қўлга олинса, энди жазоланади).

Тимошенкони фракция ва партиядан чиқариб юбориш талаби билан Украина Олий Радаси Миллий хавфсизлик, мудофаа ва разведка қўмитаси раиси ўринбосари Маряна Безуглая мурожаат қилди. Шу боис Украина собиқ бош вазири четлатилиши мумкин.

Бироқ, «Баткившчина» партияси веб-сайтидаги фотосуратга кўра, Юлия Тимошенко ҳозир Женевада хизмат сафарида.