Ҳавони ифлослантирувчи майда дисперсли зарралар таъсири натижасида ҳар йили 7 млн киши ҳалок бўлади
Дунё аҳолисининг қарийб 91 фоизи ҳаво сифати ЖСТ тавсия қилган чегаралардан паст бўлган жойларда яшайди. Ҳавони ифлослантирувчи майда дисперсли зарралар таъсири натижасида ҳар йили 7 млн киши ҳалок бўлади.
✅Сўнгги йилларда Ўзбекистон ҳукумати атроф-муҳитни муҳофаза қилиш, жумладан, атмосфера ҳавоси сифатини яхшилаш муаммосига эътиборни кучайтирди. Тегишли норматив-ҳуқуқий ҳужжатлар қабул қилиниб, ифлослантиришда айбдор бўлганлар учун жавобгарлик чоралари кучайтирилмоқда.
🗓 Экология, атроф-муҳитни муҳофаза қилиш ва иқлим ўзгариши вазирлиги мутахассисларининг фикрича, қуйидагилар Тошкент шаҳрида ҳаво ифлосланишининг асосий омиллари ҳисобланади: дарахтнинг ноқонуний кесилиши; шаҳарсозлик бош режаларини тасдиқламай туриб қурилиш ишларини олиб бориш; транспорт воситалари томонидан атмосфера ҳавосига чиқариладиган ифлослантирувчи моддалар ҳажмининг ортиши;
иқтисодиёт тармоқлари ва аҳоли учун углеводородлардан фойдаланиш ҳажмининг ўсиши; мавжуд иссиқлик марказлари томонидан мазутдан қўшимча ёнилғи сифатида фойдаланиш.
〰️АИ-80 бензини экологик жиҳатдан зарарли бўлиб, кўпгина ривожланган мамлакатлар ундан бир неча йил аввал воз кечган. Зарарли бензин нафақат табиатга зарар етказади, балки автомобилларнинг техник ҳолатига ҳам салбий таъсир кўрсатади.
