Ҳамюртимиз Европа Чемпионлари Лигаси тарихига кирди (видео)
Франциянинг "Ланс" клуби ҳимоячиси Абдуқодир Хусанов кеча Европа чемпионлар лигаси мусобақасида дебют қилди. Ҳамюртимиз "Арсенал"га қарши баҳснинг 63-дақиқасида захирадан майдонга туширилди.
Абдуқодир майдонга тушганидан бир неча сония ўтиб майдон марказида рақибга нисбатан қўполлик ишлатди ва сариқ карточка олди.
Маълумотларга қараганда, Ҳусанов ЕЧЛда захирадан майдонга тушиб, энг тез огоҳлантириш олган футболчига айланди.
Ўзбек футболчиси майдонга тушган пайтда "Ланс" 0:5 ҳисобида ютқазаётганди. Қолган дақиқаларда эса "Арсенал" францияликлар дарвозасига яна битта гол урди (пенальтидан).
Матнда хатолик топсангиз, ўша хатони белгилаб, бизга жўнатинг (Ctrl + Enter).
