Грузия ҳукумати: хорижий агентлар тўғрисидаги қонун мамлакатнинг Европа Иттифоқига қабул қилиниши билан қайта кўриб чиқилиши мумкин

Ҳукмрон “Грузия орзуси” партияси раиси Ираклий Гарибошвилининг айтишича, агар мамлакат Европа Иттифоқига қўшилса, Грузия ҳукумати хорижий агентлар ҳақидаги қонунни қайта кўриб чиқиши мумкин.

Унинг сўзларидан РИА Новости иқтибос келтирди.

Гарибошвилининг таъкидлашича, Европа Иттифоқи ҳозирда иттифоқни кенгайтиришга тайёр эмаслиги аниқ.

Унинг таъкидлашича, Европа Иттифоқи Грузияни ўз аъзолигига қабул қилишга тайёрлигини билдирса, ҳукумат тезда қонунни бекор қилиши, қайта кўриб чиқиши ёки янгисини қабул қилиши мумкин.