Францияда Макроннинг импичменти ҳақидаги талабни кўриб чиқиш бошланди
Миллий ассамблеянинг (парламент қуйи палатаси) Қонунчилик комиссияси “Итоатсиз Франция” чап қанот партиясининг республика президенти Эммануэль Макронга импичмент эълон қилиш ҳақидаги талабини кўриб чиқишни бошлади.
Бу ҳақда Le Figaro нашри хабар бермоқда.
Унинг маълумотларига кўра, "73 депутатдан иборат комиссияда овоз бериш куннинг иккинчи ярмида бўлиб ўтади”.
Нашрнинг аниқлик киритишича, овоз бериш натижаларидан қатъи назар, “қарор лойиҳаси палата ялпи мажлисига киритилгунга қадар 13 кун ичида фраксия етакчилари конференциясида кўриб чиқилиши керак”.
Шу билан бирга, Le Figaro "итоатсиз Франция" ташаббусини амалга ошириш имконияти кам, чунки уни қабул қилиш учун Франция депутатлари ва сенаторларининг 2/3 қисми маъқулланиши керак, деб ҳисоблайди.
Шунинг учун импичмент учун резолюцияни икки палатанинг 925 аъзосидан камида 617 нафари қўллаб-қувватлаши керак. Шу билан бирга, "Итоатсиз Франция"нинг ўзи бор-йўғи 73 мандатга эга.
