Фотима Пайман - Австралиянинг биринчи ҳижобли сенатори
Австралиянинг биринчи ҳижобли сенатори 27-июль, чоршанба куни мамлакат Сенатида қилган илк мурожаатида бош кийим кийишни танлаган ёш қизларни “буни ғурур билан бажаришга” чақирди.
Ғарбий Австралия сенатори Фотима Пайман Генерал-губернатор Девид Херлининг палаталар тарихидаги биринчи Афғонистонда туғилган ва ҳижобли бўлатуриб сайланган вакил сифатидаги мавқеини баён қилиш учун Австралия парламентидаги очилиш нутқида Пайман шундай деди: "Менга нима кийишим кераклиги ҳақида “маслаҳат бераётганлар” ёки ташқи кўринишимдан келиб чиқиб, менинг малакамни баҳолашни ҳоҳлаётганлар учун, билингки, ҳижоб менинг танловимдир".
27 ёшли сенатор сўзида давом этди: “Мен ҳижоб кийишга қарор қилган ёш қизлар буни ғурур билан кийишларини истайман. Мен кўча бўйлаб калта юбка кийган аёлларни ҳукм қилмайман ва одамлар мени шарф кийганим учун ҳукм қилишларини ҳам ҳоҳламайман.Мен ёшман, мен илғорман ва мен замонавий Австралиянинг вакилиман.", деди Пайман.
Эслатиб ўтамиз, 27 ёшли Фотима Пайман шу ҳафта Австралия парламентида биринчи ҳижобли сенатор бўлганидан кейин тарихга кирди.
