Фарғонадаги ЙТҲда ҳайдовчи вафот этди
Жорий йилнинг 5 январь куни Фарғона вилоятида йўл-транспорт ҳодисаси содир бўлди. Мазкур ЙТҲ оқибатида 57 ёшли ҳайдовчи вафот этди. Бу ҳақда вилоят Ички ишлар бошқармаси матбуот хизмати хабар берди.
Қайд этилишича, 5 январь куни соат 11:00 да “Оқтепа” маҳалласи ҳудудида 2001 йилда туғилган фуқаро Р.М. бошқарувидаги Nexia-2 машинаси билан 1966 йилда туғилган фуқаро М.Р. бошқарувидаги Damas тўқнашиб кетган.
Damas ҳайдовчиси М.Р. олган тан жароҳати оқибатида кўрсатилган тиббий муолажаларга қарамай, шифохонада вафот этган.
Ҳолат юзасидан Фарғона туман ИИБ ҳузуридаги тергов бўлими томонидан Жиноят кодексининг 266-моддаси 2-қисми билан жиноят иши қўзғатилган.
“Ҳозирда тергов ҳаракатлари олиб борилмоқда”, дейилади хабарда.
