Европа Иттифоқи ҳам Путинга қарши чиқди
АҚШ президенти Жо Байден Россия раҳбари Владимир Путинни танқид қилгач, Европа Иттифоқи Россиядаги қотилликлар учун Путин жавоб бериши кераклигини билдирди.
“Афсуски, Россияда бўлаётганларни танқид қилганларни ўлдириш бўйича уддаланган ва уддаланмаган қотилликларнинг узун рўйхати мавжуд, бу кишилар орасида сиёсатчилар ва журналистлар бор”, – деди Европа Иттифоқининг ташқи сиёсат ва хавфсизлик бўйича вакили Жозеп Боррелнинг матбуот котиби.
Унинг таъкидлашича, кўплаб жиноятлар ёпиқлигича қолиб кетяпти, жиноятчилар жавобгарликка тортилмаяпти, Путин эса Россия президенти сифатида давлат органларининг ҳаракатлари ва давлат сиёсати учун масъулдир.
2018 йилда Скрипалларнинг ва 2020 йилда Навальнийнинг заҳарланиши муносабати билан Европа Иттифоқи Россияга нисбатан санкция қўллаган.
Президент Жо Байден 17 март куни ABC телеканалига берган интервьюсида Владимир Путинни қотил деб ўйлашини айтган эди. Путин эса бунга жавобан “ким нима деса, ўзи ўшанақа” эканлигини айтди.
