Эстония ташқи ишлар вазири: ЯИМнинг 2 фоизи НАТОда мудофаа учун минимал харажатлар бўлиши керак

Эстония ташқи ишлар вазири Маргус Цахкнанинг айтишича, НАТО мамлакатларида ялпи ички маҳсулотнинг 2 фоизи энг кам мудофаа харажатлари бўлиши керак.

НАТО ташқи ишлар вазирларининг Брюсселдаги йиғилишида сўзлаган нутқида у Ғарб бир вақтнинг ўзида бир нечта можароларга дош беришга тайёр бўлиши кераклигини таъкидлади. Вазирнинг сўзларига кўра, бугунги кунда мудофаа харажатларини кўпайтириш ҳозирги хавфсизлик шароитида ҳал қилувчи аҳамиятга эга.

“Мудофаа харажатларини ошириш НАТОнинг янги мудофаа режаларини амалга оширишни таъминлашнинг калитидир; ялпи ички маҳсулотнинг 2 фоизи мудофаа харажатлари учун минимал бўлиши керак”, - дея унинг сўзларидан иқтибос келтиради РИА Новости.