Ерни ноқонуний эгаллаб олиш жавобгарликка сабаб бўлади

Ерни ноқонуний эгаллаб олиш жавобгарликка сабаб бўлади

2024 йилнинг 5 ойида Навоий вилоятида ер ва кадастр назоратчилари томонидан жами 592 та ҳолатда 54 гектар ер майдонлари жисмоний ва юридик шахслар томонидан ўзбошимчалик билан эгаллаш ёки ноқонуний қурилиш қилиш ҳолатлари аниқланган.

397 та ҳолатда ўзбошимчалик билан эгалланган 21 гектар ер майдонида аниқланган ноқонуний қурилиш Кадастр агентлиги Навоий вилояти бошқармаси туман-шаҳар бўлимлари инспекторлари томонидан бартараф қилиниб, ер майдони ўз ҳолатига қайтарилиши таъминланди. Шунингдек, ўзбошимчалик билан эгалланган 2 гектар майдондаги ноқонуний қурилмаларни бартараф этиш бўйича судларга 42 та даъво аризаси киритилди.

Ерни ноқонуний эгаллаб олиш жавобгарликка сабаб бўлади

– Жорий йилнинг ўтган 5 ойи давомида давлат ер, кадастр ва геодезия назорати соҳасидаги қонун ҳужжатларини бузган 488 нафар мансабдор ва жисмоний шахсларга нисбатан 4 миллиард 57 миллион сўмлик маъмурий жарималар қўлланилган, – дейди Кадастр агентлиги Навоий вилояти бошқармаси бошлиғи Дониёр Нишонов. – Вилоятимизда ҳам жорий йилнинг 1 майидан бошлаб кучайтирилган ер ва кадастр назорати тадбирлари ўтказилмоқда. Ушбу назорат тадбирларида замонавий планшетлар ҳамда дронлардан фойдаланилмоқда. Ўтган бир ой мобайнида 421 та ҳолатда фуқаролар томонидан ҳеч қандай ҳужжатларсиз эгаллаб олиш ҳамда ноқонуний қурилиш ишларини амалга ошириш ҳолатлари аниқланди. Давлат ер, кадастр ва геодезия назорати соҳасидаги қонун ҳужжатларини бузган 152 нафар мансабдор ва жисмоний шахсларга нисбатан Маъмурий жавобгарлик тўғрисидаги кодекснинг тегишли моддаларига асосан маъмурий жарималар қўлланилган.

Ерни ноқонуний эгаллаб олиш жавобгарликка сабаб бўлади

Қонунчиликка кўра, ноқонуний қурилиш ишларини амалга оширган шахсларга базавий ҳисоблаш миқдорининг 150 баробаридан 300 баробаригача жарима солинади ва ноқонуний қурилмалар суднинг ҳал қилув қарорига асосан мажбурий тартибда бартараф қилинади. Бундан ташқари суғориладиган ерларда аниқланган ўзбошимчалик билан эгаллаб олиш ҳолатлари Жиноий жавобгарлик тўғрисидаги кодекснинг тегишли моддасига асосан жиноий жавобгарликка тортилишига ҳам сабаб бўлади.

Ерни ноқонуний эгаллаб олиш жавобгарликка сабаб бўлади


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!