"Эркак" боксчига ютқазган Ситора Турдибековага 100 минг доллар берилади

Франция пойтахтида ўтказилаётган ёзги Олимпиада ўйинларининг бокс баҳсларида ўзбекистонлик Ситора Турдибекова Халқаро бокс ассоциацияси (ИБА) текширувларига кўра "эркак" деб топилган Хитой Тайпейи вакили Ю Тинг Линга имкониятни бой берди.

Халқаро бокс ассоциацияси (IBA) тестостерон миқдори кўплиги боис жазоирлик Имане Хелиф ва Хитой Тайпейи вакили Ю Тинг Линни сўнгги жаҳон чемпионатида иштирокига рухсат бермаган эди.

Қайд этиш керакки, ИБА президенти Умар Кремлев мазкур ҳолатни Халқаро Олимпия қўмитаси учун шармандалик эканлигини билдириб, эркак боксчиларга қарши рингга кўтарилган аёл боксчилар ИБА томонидан 100 минг АҚШ доллари билан тақдирланишини маълум қилди.