Энрике Иглесиас оғир касалликка чалинганини маълум қилди

Энрике Иглесиас соғлиғидаги муаммолар сабаб бир қатор чиқишларини бекор қилди. Хонанда бу ҳақда ўзининг ижтимоий тармоқлардаги саҳифасида ёзган.

Хонанда бир кун олдин пневмониянинг оғир даражаси туфайли узоқ таътилга чиқди ва Мексикадаги фестивалда чиқишини бекор қилишга мажбур бўлди.

“Менинг бугунги Мексикадаги намойишим бекор қилиниши керак эди. Менга пневмония ташхиси қўйилди, шифокорлар тўлиқ дам олишни талаб қилишди, менга парвоз қилиш тақиқланди. Мен учун жуда катта аҳамиятга эга бўлган мамлакатда намойишларимни бекор қилганимдан жуда афсусдаман”,- деди хонанда.

Эслатиб ўтамиз, 2023 йилнинг апрель ойи охирида Энрике 13 май куни Мексикада концерт беришини эълон қилганди. Тадбир учун эса барча чипталар сотилган.