Энг кўп абитуриент ҳужжат топшираётган ОТМ ва таълим йўналишлари маълум қилинди

2 июль соат 18:00 ҳолатига республика Олий таълим муассасаларига ўқиш истагини билдирган абитуриентлар сони 114 минг нафардан ошди. Бу ҳақда Азиз Абдуҳакимов хабар беради.

Абитуриентларнинг энг кўп рўйхати қайд этилган (танлов) олий таълим муассасалари 3-талиги:

1) Ўзбекистон халқаро ислом академияси бир ўринга 2.96 нафар абитуриент;

2) Андижон тиббиёт институти бир ўринга 2.81 нафар абитуриент;

3) Гулистон давлат университети бир ўринга 2.23 нафар абитуриент.

Абитуриентларнинг энг кўп рўйхати қайд этилган таълим йўналиши 3 талиги:

1) Мактабгача таълим 6490 нафар абитуриент;

2) Бошланғич таълим ва спорт 6240 нафар абитуриент;

3) Жисмоний маданият 5901 нафар абитуриент.

Абитуриентлардан энг кўп рўйхати қайд этилган ҳудудлар 3 талиги:

1) Қашқадарё вилоятидан 11 321 нафар абитуриент;

2) Андижон вилоятидан 11 098 нафар абитуриент;

3) Самарқанд вилоятидан 10 596 нафар абитуриент.

Жорий ўқув йилида тест синовларини ўтказиш учун Тошкент шаҳри ва мамлакат ҳудудлари марказларида 69 та юқори сиғимли бинолар танлаб олинди.

Танлаб олинган 69 та биноларда бугунги кунда маҳаллий давлат ҳокимияти органлари, Ахборот технологиялари ва коммуникацияларини ривожлантириш вазирлиги ва Давлат тест маркази мутахассислари томонидан тест синовларини шаффоф ва холис, кенг жамоатчилик ва ота-оналарга онлайн кузатиш имконини берадиган шароитларни яратган ҳолда ўтказилиши учун ташкилий ишлар олиб борилмоқда.