Электр тармоқларига ноқонуний уланиб, давлатга катта миқдорда зарар етказиш ҳолатлари аниқланди
Бош прокуратура ҳузуридаги Департаментнинг Қува туман бўлими томонидан ўтказилган терговга қадар текширувда “Ф.С.” МЧЖ раҳбари И.А. ва бошқалар тош майдалаш цехидаги электр ҳисоблагичга ташқаридан таъсир ўтказиб, жами 279,3 млн сўмлик электр энергиясидан ноқонуний фойдаланганликлари аниқланган.
Шу каби, Булунғур туманидаги “Д.И.” фермер хўжалиги ва Пайариқ туманидаги “F.F.” оилавий корхонаси раҳбарлари хўжалик сув насосини ҳамда тўйхона биносини умумуй фойдаланишдаги электр трамоғига ўзбошимчалик улаб, жами 225 млн сўмлик электр энергиясидан ноқонуний фойдаланганликлари аниқланган.
Департаментнинг Тошкент вилояти бошқармаси томонидан ўтказилган терговга қадар текширувда, Бекобод туманидаги “M.G.” МЧЖ раҳбари Г.А. ва бошқалар ишлаб чиқариш цехидаги электр ҳисоблагич тамғасини бузиб жами 192,2 млн сўмлик электр энергиясидан ноқонуний фойдаланганликлари аниқланган.
Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.
