Боғчаларда айрим ходимлар маошига бир марталик қўшимча ҳақ берилади

Боғчаларда ходимларнинг маошига бир марталик қўшимча ҳақ уларнинг эришган натижалардан келиб чиқиб ёки қатор зарур шартлар бажарилганда берилади.

Бунда, кўрик танловлардаги иштироки учун лавозим маошига нисбатан:

• туман ва вилоят миқёсдаги натижалар учун 15 фоизгача;
• республика миқёсдаги натижалар учун 20 фоизгача;

Ўйин тамойилига асосланган замонавий машғулотларни ташкил қилганлиги учун 15 фоизгача қўшимча ҳақ берилиши мумкин.

Шунингдек, тарбияланувчиларнинг илм-фанга қизиқишини оширишга қўшган ҳиссаси учун 20 фоизгача қўшимча ҳақ берилиши назарда тутилган.