Байден ва Макрон қандай баёнотлар беришди?
Президентлар Жо Байден ва Эммануэл Макроннинг Оқ уйдаги учрашуви якунида эълон қилинган қўшма баёнотлари билан танишинг:
— АҚШ ва Франция Украина суверенитети ва яхлитлигини қўллаб-қувватлашини яна бир бор тасдиқлайди ва унга қанча керак бўлса шунча ёрдам беради;
— Байден ва Макрон НАТОнинг ядровий арсенали тинчликни сақлаш учун зарурлигини таъкидлайди;
— Қўшма Штатлар ва Франция истиқболли ҳарбий-техник ҳамкорликни кенгайтиради;
— Байден ва Макрон Тайван бўғозида тинчлик ва барқарорликни сақлашга чақиради, Шимолий Кореянинг ракета учиришларини қоралайди;
— Қўшма Штатлар ва Франция Эрон ҳеч қачон ядровий қуролга эгалик қилмаслигини таъминлаш ниятида;
— АҚШ ва Франция Европага газ етказиб беришни диверсификация қилишда давом этади.