Байден Трампнинг эҳтимолий ғалабаси ҳақида фикр билдирди
![Байден Трампнинг эҳтимолий ғалабаси ҳақида фикр билдирди Байден Трампнинг эҳтимолий ғалабаси ҳақида фикр билдирди](/photos/news/VN6ZKxmSyA7Ud75.png)
АҚШ Президенти Жо Байден фикрича, Мустақиллик декларациясининг 250 йиллиги муносабати билан ҳокимият тепасига республикачи келишига мамлакат таваккал қилиши керак эмас. Бу ҳақда Оқ уй матбуот хизматига таяниб, ТАСС маълум қилди.
Америка етакчиси Дональд Трампнинг келаси йилги президентлик сайловида эҳтимолий ғалабаси Қўшма Штатлар учун кўплаб таҳдидларни келтириб чиқаришини билдирди.
Шанба куни амалдаги давлат раҳбари, Лос-Анжелес (Калифорния)даги сайлов олди кампанияси учун маблағ йиғишга бағишланган йиғилишда ўз маъмурияти ютуқлари ҳақида гапира туриб, нутқининг ярмида республикачини танқид қила бошлади.
– Биламизки, бу тараққиёт даври кейинги сайловда хавф остида бўлади,- деб Байденнинг сўзларидан иқтибос келтирди Оқ уй матбуот хизмати. – Трамп мамлакат учун жуда кўп таҳдид келтириб чиқармоқда. Танлов эркинлиги, фуқаролик ҳуқуқидан тортиб, овоз бериш ҳуқуқида Американинг дунёдаги ўрнигача.
Байденнинг сўзларига кўра, Трамп келтираётган энг катта таҳдид Америка демократиясига таҳдиддир. Республикачилар сайловда эҳтимолий ғалаба қозонган тақдирда иккинчи президентлик муддати биринчисидан ҳам ёмонроқ бўлади.
– У Америка кўчаларида сиёсий рақибларини таъқиб қилиш учун ҳарбийлардан фойдаланиш билан таҳдид қилмоқда, - деди амалдаги етакчи.
АҚШда навбатдаги президентлик сайлови 2024 йил ноябрда бўлиб ўтади. 25 апрель куни Байден олий ҳукумат лавозимига қайта сайланиш учун курашишини эълон қилди. Трамп эса 2022 йил ноябрь ойида сайлов олди пойгасига киришини айтган.