"Барселона" ёзда жуда катта пул сарф қилмоқчи

Испаниянинг “Барселона” клуби ушбу трансферлар ойнаси вақтида йирик харидларни амалга оширишни режалаштирмоқда.

Marca нашрининг хабар беришича, каталонияликлар ёзги трансферлар учун жами 200 млн евро атрофида маблағ сарфлашни режалаштирмоқда. “Кўк-анорранглилар” бу пулни Американинг Sixth Street сармоявий компаниясига телевизион ҳуқуқларнинг 10 фоизини сотиш орқали ишлаб топмоқчи. Улар бу бўйича 207,5 млн евролик келишувга эришган.

Бундан ташқари, "Барселона" яқин орада бошқа бир компанияга телевизион ҳуқуқларининг 15 фоизини сотиш орқали 400 млн еврога яқин пул ишлаб олишни режалаштирмоқда.