Барқарорлик рейтингида рекорд кўрсаткич қайд этилди
«Тадбиркорлик субъектларининг барқарорлик рейтинги» электрон онлайн платформаси ишга туширилгандан бери энг юқори рекорд кўрсаткич қайд этилди.
📈 Жумладан, рейтингнинг энг юқори «ААА» тоифадаги тадбиркорлик субъектларининг сони охирги 2 кунда 114 тага кўпайиб 295 тага етди.
Шунингдек, «АА» тоифадаги тадбиркорлик субъектларининг сони 181 тага ошиб 1 052 тани, «А» тоифада эса 210 тага ошиб, 1 729 тани ташкил этди.
🇺🇿 Умумий юқори рейтинг даражасидаги тадбиркорлар жами 3 076 тани ташкил этмоқда.
Ҳудудлар кесимида энг юқори «ААА» рейтингига эга тадбиркорлар сони бўйича Тошкент шаҳар 175 та, Фарғона вилояти 23 та, Қашқадарё вилояти 14 тани ташкил этиб, пешқадамлик қилмоқда.
Соҳалар кесимида — хизмат кўрсатиш соҳасида 79 та, савдо соҳасида 77 та, саноат соҳасида 68 та энг юқори рейтинг кўрсаткичлари қайд этилди.
