Австрияда мактаблардаги ҳижоб тақиқи бекор қилинди
Австрия Конституцион суди бошланғич мактаблардаги рўмол тақиқи дин эркинлигининг чекланиши деган хулосага келди, дея хабар бермоқда Deutsche Welle.
“Мактаб таълими тўғрисида”ги қонунга мувофиқ 10 ёшгача бўлган болаларнинг диний ёки мафкуравий мансубликни билдириб турадиган либосларни кийиши тақиқланган эди. Икки оила бу қонуннинг устидан шикоят билан Консутитуцион судга шикоят қилиб, фарзандларини ислом анъаналарига биноан тарбия қилишаётганини бидирган ва ушбу тақиқни дин эркинлигиги ҳужум деб баҳолаган.
Мурожаатни ўрганиб чиққан суд тақиқни конституцияга зид деб топди ва уни бекор қилди. Қарорда таъкидланишича, мактаб тизимини шакллантиришда турли диний гуруҳларга тенглик тамойилига амал қилиш, тизим бағрикенглик ва очиқлик қадриятларига таяниши зарур.
Шунингдек, қарорда мазкур тақиқ туфайли мусулмон оилаларнинг қизлари айримчиликка учраши ва оқибатда уларнинг таълим олиши қийинлашиши мумкинлиги айтилган.
